SundayMore – 網評高、 性價比高 — 韓牌Klairs

網評高、 性價比高 — 韓牌Klairs

Editor:Cherrie Hau on October 9, 2017 at 5:56 pm

空氣污染加上天氣一轉,肌膚好易出現敏感症狀,所以要選用一啲較少化學成分嘅護膚品牌保護肌膚。最近發現唔少韓國Bloggers都對韓國品牌Klairs一致好評,而且 性價比高 ,效果不遜於貴價品牌,絕對值得推介畀大家!
Text:YY(Presented by Klairs)

Midnight Blue治癒力量

包裝簡約而不簡單,正如Klairs品牌崇尚自然,無酒精、無人工添加物、無人工色素、無動物實驗, 為敏感肌而生,溫和唔刺激,再加上好用抵用,所以深受歡迎,尤其佢支潤澤保濕紓緩化妝水,長期高踞熱賣榜,回購率甚高!

今次介紹係Klairs另一款同樣深得韓妹喜愛嘅王牌產品Midnight Blue午夜粉藍修護系列,選用甘菊油提煉,有助紓緩鎮靜,仲加入強效保濕作用。而非常治癒嘅粉藍色係成分天然原色,產品無加添色素,做到真正保護肌膚遠離壓力同刺激。新推出嘅午夜粉藍逆齡精露更加入EFG同FGF,加強肌膚抗氧化力,預防肌膚細胞老化,Keep住年輕,令肌膚變得更彈性透亮。

啱晒敏感肌使用
日間保護同樣重要,尤其敏感肌,因為陽光會加劇刺熱紅腫狀況,但巿面防曬產品多含致敏化學成分,要搵一支啱敏感肌用嘅實在不易。正午艷陽粉藍紓緩防曬乳正係為敏感肌而設,金盞花提煉,發揮紓緩修護作用,同時具保濕作用,SPF40 PA++高度防曬,一年四季都啱用!

正午艷陽粉藍紓緩防曬乳質地清爽,產品呈天然藍色係原材料嘅原色,具保濕、修護、紓緩、防曬於一身。(建議價 HK$175)

Klairs好用產品又點止咁少?而家介紹埋另外幾支同樣網評高、CP值高嘅護顏好幫手畀大家知啦!

透亮保濕BB霜 SPF40 PA++︰對於每日趕住出門返工嘅一眾女生,擁有一支多功效 嘅BB 霜,實在幫到唔少忙。呢支BB霜可提亮均勻膚色、滋潤、抗細紋同防曬外,內含透明質酸能為肌膚補水,油性肌膚女生都啱,作打底霜用,依然保持毛孔暢通呼吸,妝效長達12小時咁耐!(建議價 HK$180)

(前)保濕紓緩精華液︰超濃度透明質酸,強效為肌膚補充水份,適合中性、乾性及敏感肌膚使用。(建議價 HK$212)
(後)保濕紓緩面霜︰保濕同時,產品中嘅酵母源性β-葡聚醣發揮保護作用,令肌膚長期處於透亮水嫩狀態。(建議價 HK$185)

原文來源:Sundaymore.com

發表回覆